Knapp verloren (SV Schaffhausen b – FC Neunkirch a)

Wo mir z Nüchirch a cho sind , sind scho fast alli döt gsii und händ uf dä
Markus und mich gwartet. Doch öppis hät mit äm Träffpunkt und äm Spielbeginn nid gstummä. Mir hettät am eis söllä uf äm Platz stoh und nid am zwei.

Mir händ üs sehr schnäll mösä umzieh und händ üs nid richtig chönä
i wärmä. Üsi Ufstellig: Robin im Goal, Pascal rächtä Värteidiger, Lars mitti Värteidiger, Markus lingä Värteidiger, Marco.F im rächtä Mittälfäld, Philipp mitti Mittälfäld,Tim im lingä Mittälfäld, Raphael im rächtä Sturm , ich Fabian im lingä Sturm und dä Micha isch dä ainzig Uswächsälspilär.

I dä erstä Halbzit isch äs ä usglichäs Spiel gsi, abär si händ dänn doch äs Goal gschossä. Dä Pascal hät Buchweh übercho. Für ihn isch dä Micha iecho, doch ich ha mit äm Micha d Position wächslä mösä. Dä Marco.P hät üs gseit mir söläd übär d Sitä spielä, das händ mir au gmacht und scho stots 1:1.
I dä erstä Halbzit isch suscht nüt bsunders passiärt. I dä zwaitä Halbzit sind d Schafuuser ä Stuck bessär gsii als mir. Si händ dänn au wider chöne i Fürig go, abär mir händ wider chöne usglichä und händ si bis i di letschtä füf Minutä undär Kontrollä gha.

Doch dänn schüssät si widär äs Goal ! Noch äm Aspiel isch‘s nid lang gangä bis mir widär i ihräm Strofrum gsii sind und nur no händ chönä mit äm nä Faul gstoppt wärdä. Penalty !!! Doch leidär händ mir in verschossä und händ kei Goal me chönä schüssä.

Mir sind entüscht id Kabinä go tuschä und händ nid chönä verstoh das
mir da Spiel so knapp verlorä händ. Abär üsän nöchstä Gegnär söll sich warm aziäh.

geschrieben von Fabian Graf